PARTONDING NI ACARA PANGUJUNGI PARTANGIANGAN WIJK HKBP DUTA PERMAI TAHUN 2025

 PARTONDING NI ACARA

PANGUJUNGI PARTANGIANGAN

WIJK HKBP DUTA PERMAI

EV: Sepanya 1 : 1 - 7 EP: Pangungkapon 20 : 11 - 15

Topik :

PANGUHUMON NA PARPUDI

PENGHAKIMAN YANG TERAKHIR

HKBP DUTA PERMAI, RESSORT DUTA PERMAI

TAHUN 20252

1. MARTANGIANG NA HOHOM

2. JOUJOU PAMUJION TU DEBATA

U : Huria ni Debata na nihaholongan ni Tuhanta Jesus Kristus, tama do hita

mandok mauliate tu Tuhanta pardenggan basa i siala boi do tulus

mardalan partangiangan wijk di tonga-tonga ni hurianta HKBP Duta

Permai on. Sudenai tung holan ala asi ni roha ni Debata sambing do na

mangaramoti huriaNa. Antong siala saluhutna i patut ma dohonanta

H : Mauliate ma di Ho ale Tuhan, dinaung boi hami taruli sian hataMi marhitehite

jamita na pinatolhas ni angka naposoMi. Jala mauliate ma diangka

parsaoran nauli rap dohot dongan sahaporseaon na boi muse huhilala

hami dibagasan partangiangan taon 2025 on.

U : Hamu angka dongan, molo manaili hita tu pudi, torop do naung hobas

rohana bongot tu ganup partangiangan wijk i, alai laos torop dope

nang naso tung olo bongot tu partangiangan i bahkan na so tung apala olo

manjabui partangiangan i. Antong dipangujungi ni partangiangan on

tama do hita mangongkuhon.

H: Tuhan, lam patau jala pargogoi ma hami laho masibeta-betaan tu

partangiangan ditaon na mangihut muse. Asa lam togu haporseaon

nami saluhutna ruas ni huriaM.

U : Asima Rohani Tuhanta sai dilehonma dihita ganup ari roha na ungkap

jalaroha na ringgas dinalaho tumangihon hataNa. Antong marsihohot

ma hita marroha mauliate disaluhut pandonganion ni Tuhanta, Marende ma

hita.

3. MARENDE BE. No. 5 : 1 + 3 “Sai Tapuji Ma Jahowa”

♫ Sai tapuji ma Jahowa Debatanta na tutu

Tapatimbul ma Amanta na bonar huhut burju

Binsan hosangki disi pujionku Tuhanki

=====Jongjong=======

♫ Sai martua manang ise siasahon Debata

Ai dison pe dohot muse dipasonang Debata

Ala ni haposi ma holan Tuhan Debata

4. VOTUM– INTROITUS– TANGIANG: A.XV.B.2 / D.XIII.51

======Hundul=======

5. Marende BE.No. 471 : 1 + 3 “Hupillit Jesus Donganki”3

♫ Hupillit Jesus donganki lao mangoloi Ibana,

Nang muruk pe torop disi labangku do Ibana

Di Ho ngolungku ro di ajalhu,

Jesus di Ho au mate mangolu

Di Ho ngolungku ro di ajalhu,

Jesus di Ho au mate mangolu

♫ Rohangku baen ingananMi, patiur ma langkangku

Huhatindangkon ma disi: Ho Jesus palitongku

Di Ho ngolungku ro di ajalhu

Jesus di Ho au mate mangolu

Di Ho ngolungku ro di ajalhu

Jesus di Ho au mate mangolu

6. MANJAHA EPISTEL: Pangungkapon 20 : 11 - 15

U : Dung i huida ma sada habangsa na balga, na bontar dohot na hundul

di atasna: Na maporus do tano dohot langit maradophon bohina, so

adong be jumpang inganannasida.

H : Dung i huida ma angka naung mate i, angka na metmet nang angka

na balga, jongjong di jolo ni habangsa i; jadi diungkap ma angka

buku. Dung i diungkap ma sada buku na asing, i ma buku

hangoluan, gabe diuhumi ma angka na mate i marguru tu na

tarsurat di bagasan angka buku i, hombar tu na niulanasida be.

U : Dung i dilehon laut i ma angka na mate na disini, dilehon nang

hamatean dohot banua toru i ma angka na mate na tiniopna, gabe

diuhumi ma ganup, marguru tu na niulana be.

H : Dung i didabu ma hamatean dohot banua toru tubagasan laut api i. I

ma hamatean na paduahon; laut api i do i.

U : Manang ise na so jumpang tarsurat di buku hangoluan i, i ma didabu

tubagasan laut api i.

Ido sahatna, Martua ma halak na tumangihon Hata ni Debata jala

naumpeopsa. Amen!

6. KOOR RN.HKBP

7. KOOR KATEGORIAL LANSIA

8. MARENDE BE. No. 837 : 1 “Sada Huta Na Mansai Uli”

♫ Sada huta na mansai uli

Sambulo ni tondinta do i

Bagas ni Debata Ama i

Diparade di na monang i4

Sogot di Surgo i, sai pajumpang do hita disi

Sogot di Surgo i, sai pajumpang do hita disi

9. KOOR PAROMPUAN

10. KOOR AMA

11. MARENDE BE. No. 837 : 2 “Sada Huta Na Mansai Uli”

♫ Hita dohot donganta di san,

rap marende mamuji Tuhan,

ndang adong hasusaan di san,

salelengna di surgo sonang,

Sogot di Surgo i, sai pajumpang do hita disi

Sogot di Surgo i, sai pajumpang do hita disi

12. JAMITA : SEPANYA 1 : 1 - 7

13. MARENDE BE. No. 274 : 4 “Ndang Jadi Ho Mardalan Sasada Ho Antong”

♫ Ndang jadi ho gangguan Di hamamatemi

Nang laos pasombuonNa Na hinophopNa i

Asal hian donganmu Tuhanta Jesus i

Sai saut pamonangonNa Ho di ujungna I

14. Tangian Pangondianon (St. N br Sianipar)

15. Marende BE. No. 183 : 1…. “Na Jumpang Au” P. Pelean

♫ Na jumpang au na asi roha, Di au naung mago i hian

Tuhan Jesus parasi roha, Di au na lilu nahinan

Nuaeng hutanda Tuhanki

Parasi roha bolon i, Parasi roha bolon i

♫ Dibahen godang ni dosangku, Tung hona uhum au tama

Hape ro Jesus dipadomu, Au muse dohot Debata

MudarNa na badia i

Pajongjong pardomuan i

Pajongjong pardomuan I

♫ On pe holan asi ni roha, Sipangasahononhon i

Sipujionku do Jahowa, Dung ro na pamanathon i

Unduk huhut las rohangki

Mamuji asiroha i

Mamuji asiroha i

17. Tangiang Pelean- Tangiang Pasupasu