PARTURENA PARMINGGUON DI MINGGU XVII DUNG TRINITATIS MINGGU, 12 OKTOBER 2025

 

 

 

 

 

 

 

 

PARTURENA PARMINGGUON

DI MINGGU XVII DUNG TRINITATIS

 

 

& Ev: Rom 1:8-15        & Ep: Daniel 3:13-18

 

     

TOPIK:

“MANJAMITAHON BARITA NA ULI SIAN NASA ROHA”

 

 

 

 

 

 

 

 

 

 

 

 

 

 

 

 

HURIA KRISTEN BATAK PROTESTAN (HKBP)

MINGGU, 12 OKTOBER 2025

1. 
MARENDE BE. HKBP No. 125 : 2 - 4 “MARLAS NI ROHA HITA ON”  BL. 82           

^♫♪♫Dibaheni manggogo be ma hita on sude. Mamuji Tuhan Jesus i    parasiroha godang i. Sibaen las ni rohanta i, nuaeng nang sogot pe, nuaeng nang sogot pe.

^♫♪♫Alai taingot ma huhut mambaen sangap tongtong.Barita ni Tuhanta i marhite parangenta i. Di jolo ni donganta i di atas tano on di atas tano on

 

……[Musik]……       [Jongjong]

^♫♪♫ O Jesus, tatap hami on sai pargogoi sude. Marhitehite TondiMi pasauthon angka patikMi. Mambaen rarat baritaMi, di nasa jolma pe di nasa jolma pe.

 

2. Votum – Introitus – Tangiang :

U : Marhitehite Goar ni Debata Ama dohot Goar ni AnakNa, Tuhan Jesus Kristus dohot Goar ni Tondi Parbadia, na tumompa langit dohot tano on. Amen. Biar mida Jahowa do parmulaan ni hapistaran, maruli hamaloon ni roha na sumurung do sude angka na mangulahonsa; hot do baritaNa I ro di salelenglelengna. Haleluya!

H : (Mangendehon): Haleluya… Haleluya… Haleluya.

U : Martangiang ma hita! Ale Tuhan Debata,  Pargogo na so hatudosan jala Pardengganbasa! Ro di saleleng ni lelengna do asi ni rohaM. Mauliate ma rohanami tu Ho, ala diramoti Ho hami sian na sailaon sahat ro di sadari on. Hupuji hami ma Ho, ala naung sahat Barita na Uli na sian AnakMu, Tuhan Jesus Kristus, na pangolu hami. Mauliate hudok hami tu Ho, ala dibagasan dame dohot hasonangan dilehon Ho HataM na badia i. Sai asi ma rohaM, urupi ma hami mangulahon na nidokMu, asa hot rohanami jala tarparangehon hami parange na badia. Sai ajari jala paimbaru ma rohanami, asa lam ias hami ro di hasusuda ni bohalnami, marhitehite Tuhan Jesus Kristus, Tuhannami. Amen. 

[Hundul]

3. MARENDE BE. HKBP No. 470 : 2,6 “JESUS HO NAMPUNA AU” BL. 317                                        

^♫♪♫ Sai rajai ma matangki manangkasi dalanMi. Sai patinggil pinggolhi tumangihon HataMi

^♫♪♫ Pinangido ma tu Ho rohangki pe dohot do, bahenonMu Tuhanhi tong tu HarajaonMi.

 

4. P a t i k :

U : Tangihon hamu (Tatangihon) ma Patik ni Debata, i ma na tarsurat di 2 Timoteus 4:2:Jamitahon Hata I, hajongjonghon di tingki na une nang so une; pinsang, paingot, apoi marhitehite nasa lambas ni roha dohot pamodaion.

I do sahatna. Antong, rap mangido gogo ma hita tu Tuhan Debata!

   U+H: Ale Tuhan Debata! Sai pargogoi ma hami mangulahon na hombar tu PatikMi. Amen.

5. MARENDE BE. HKBP No. 421 : 1,4 “MARSOMBA AU DI JOLOM ON” BL. 281

^♫♪♫ Marsomba au dijoloMon, ponjot, targogot rohangkon,

Dibaen godang ni dosangkon, sai jangkon dohot au,

Sai jangkon ma au on, na ramun diringkon,

Tung pos do rohangki di Ho, dijangkon Ho au on.

…… [Jongjong]……

^♫♪♫ Ndang boi denggan be diringki, sai baen imbaru rohangki,

Tung tuk Ho patupahon i, umbaen tu Ho au ro. Sai……

6. Manopoti Dosa:

U: Tatopoti ma dosanta, martangiang ma hita! 

Ale Tuhan Debata Pargogo na so hatudosan, Parasiroha na sumurung, Ama ni Tuhan Jesus Kristus Sipangolu hami. Hami halak pardosa na dangol on, rot u jolo ni habangsa habadiaonMi, manopoti jala manganggukhon dosanami. Mansai jotjot huarsahi hami Ho marhitehite pingkiran dohot hata dohot pambahenannami na roa i. Ndang huhaholongi hami Ho sian nasa rohanami dohot nasa ateatenami dohot nasa tondinami dohot nasa gogonami; nang dongannami ndang doshon dirinami hubahen hami. Dibahen i tama do rimasanMu jala uhumopnMu hami tu hamatean saleleng ni lelengna i. Alai na maporus ma hami nuaeng tu asi ni rohaM na godang i, mangido sian nasa rohanami hasesaan ni dosanami saluhutna. Sai urupi ma hami paubahon rohanami, ala ni Tuhan Jesus, Anak haholongan ni rohaM, Sipangolu hami dohot ala ni GoarMu na badia i. Ale Tuhan, sai asi ma rohaM di hami halak na dangol on. Amen.

Bagabaga ni Debata taringot tu hasesaan ni dosa!

Songon sintong na mangolu Ahu, ninna Tuhan Jahowa, tung na so lomo do rohangKu mida hamatean ni parjahat, na lomo do rohangHu mida hamumulak ni parjahat I tumadingkon dalanna, asa mangolu ibana. Hasangapon ma di Debata na di ginjang!

   U+H:  Amen.        [Hundul]

7. MARENDE BE. HKBP No. 568b:1-2“NASA SOARA INGKON DO” BL. 568b

^♫♪♫ Nasa soara ingkon do mamuji Tuhanhi, mamuji Tuhanhi. Marhatopothon goarMi marende na uli, marende na uli, marende na uli.

 

^♫♪♫ Sai pargogoi au Tuhanhi manghatindanghon Ho, manghatindanghon Ho. Mamaritahon sangapMi tu liat tano on, tu liat tano on, tu liat tano on.

8. E p i s t e l:

U : Tangihon hamu (Tatangihon) ma Hata ni Debata turpuk Epistel di Minggu XVII Dung Trinitatis on, i ma Daniel 3:13-18.  Dung i piripirion jala muruk situtu ma si Nebukadnesar mandokkon ingkon boanon si Sadrak, si Mesak dohot si Abednego tu jolona. Jadi tarboan ma na tolu halak i tu jolo ni rajai.

H : Dung i ninna si Nebukadnesar ma mandok nasida: Atehe, tongon do, ale Sadrak, Mesak dohot Abednego, ndang olo hamu mamele tu debatangku, jala ndang olo hamu marsomba tu ganaganaan sere naung hupajongjong i?

U : On pe molo olo hamu nuaeng, disi dibege hamu suara ni sarune, tulila, hasapi, arbab, sordam, gondang dohot sandok ragamragam ni parhinaloan, marsinggang jala marsomba tu ganaganaan naung hupauli i? Alai molo so olo hamu marsomba, ingkon tongkinnai hamu timpalhononhon tu liang pamurunan na marnalanala! Dung i idaon ma manang Debata dia na tuk paluahon hamu sian tanganku!

H : Jadi ro ma alus ni si Sadrak, si Mesak dohot si Abednego mandok tu rajai: Ale Nebukadnesar, ndang pola alusannami ho, anggo taringot tu na nidokmi.

U : Molo lomo roha ni Debatanami, na huoloi hami, sai paluaonna do hami sian liang pamurunan na marnalanala i dohot sian tanganmu, ale rajanami.

H : Alai nang so lomo rohana, ingkon botoonmu do, ale rajanami, na so olo hami mamele tu angka debatamu manang marsomba tu ganaganaan sere, naung pinajongjongmi.

U : I do sahatna. Martua do angka na tumangihon Hata ni Debata, jala na umpeopsa. Amen.

9. MARENDE BE. HKBP No. 128: 1 -2 “DITANDA DEBATANTA” BL. 162

^♫♪♫ Ditanda Debatanta na di Ibana i. Na metmet nang na balga di nasa bangso i. Ndang mago loasonNa nang sada sian i. Ditogu do sudena tu hasonangan i. Ditogu do sudena tu hasonangan i

 

…… [Jongjong] ……

^♫♪♫ Ditanda do nasida dibaen porsea do. Nasida di hataNa, naung tu nasida ro. I do hangoluanNa, i do guruNa i.  Laos i do sinjatana mangalo dosa i. Laos i do sinjatana mangalo dosa i

 

10. Manghatindanghon Haporseaon:

U : Tahatindanghon ma haporseaonta i, songon na hinatindanghon ni donganta sahaporseaon di sandok portibi on. Rap ma hita mandok:

H : Ahu porsea di Debata Jahowa…. d.u                     [Hundul]

11. KOOR      :

12. TINGTING :

13. KOOR      :

14. PAPUNGU PELEAN HUHUT MARENDE BE. HKBP No. 658 : 1 ... “TU PORTIBI ON NA RUNDUT” BL. 658                (Papungu Pelean Ia & Ib)

^♫♪♫ Tu portibion na rundut borhat ma ho, Galak bahen palitomu sai dungo ho. Boan sondang tu na holom mangurupi na mardangol. I do barita na uli ni Kristus i.

^♫♪♫Taradoti hasadaon ni ruas i. Talului biru-biru na mago i. Hata ni Tuhan Jahowa do pasada houm nang hata. Sian sude partingkian tu Debata.

...... [Musik] ......

^♫♪♫ Hata i baen sitiopan di dalanmi, Kristus i baen panungkunan di ngolumi.

Sai radoti hatigoran holong dohot hasintongan, Sasadasa Debatanta haposi ma

15. J a m i t a: Rom 1:8-15

16. PAPUNGU PELEAN HUHUT MARENDE BE. HKBP No. 666 : 1 … “INGKON DO BOANONTA BARITA” BL. 666          (Papungu Pelean II)

^♫♪♫ Ingkon do boanonta barita, tu inganan na holom i, I ma holong nang hasintongan dame na manongtong i, Dame na manongtong i. Reff: Ai naung binsar do hatiuron, nunga salpu na holom i, huaso ni Kristus hot tongtong saleleng-lelengnai.

^♫♪♫ Ingkon endehononta pujian, pasangaphon Tuhanta i. Na tuk manaluhon na jahat, nang sinjata porang i, Nang sinjata porang i. Reff: Ai naung binsar….

...... [Musik] ......

^♫♪♫ Ingkon do boanonta Barita, Debatanta do Raja i, Dilehon anak sasadaNa, manobus pardosa i,  Manobus pardosa i.  Reff: Ai naung binsar....

 

^♫♪♫Ingkon do hita manghatindangkon Jesus Kristus Partobus i. Asa tu toropna na olo, manjangkon na sintong i, Manjangkon na sintong i. Reff: Ai naung binsar.....

      [Jongjong]

17. TANGIANG PANGUJUNGI: Tangiang Pelean – Tangiang Ale Amanami - Tangiang Pasupasu.

U : Tatangianghon ma peleanta. Ale Debata, Amanami na di banua ginjang, Ho do haroroan ni saluhut silehonlehon na denggan dohot nasa ulibasa na mauliutus. Hupasahat hami ma sian na nilehonMi tu hami, peleannami tu Ho. Sai jalo ma i gabe uap na hushus di joloM. Pasupasu ma i jala ramoti asa huparhaseang hami pelean on, patimbulhon harajaonMu di tongatonga ni HuriaM dohot di portibi on. Buhai ma rohanami marhitehite TondiM, asa lam hutanda hami godang ni silehonlehonMi tu hami, asa lam girgir hami mandok mauliate tu Ho, marhitehite Jesus Kristus Tuhannami. Amen.

H : Mangendehon: Nasa na nilehonMi tondi ro di pamatanghu

                    Hosa dohot gogongki ro di saluhut artangku

                    Hupasahat i tu Ho na so unsatonhu do

U : Ale Amanami na di banua ginjang! Sai pinarbadia ma GoarMu! Sai ro ma harajaonMu! Sai saut ma lomo ni rohaM di banua tonga on songon na di banua ginjang! Lehon ma tu hami sadari on hangoluan siapari! Sesa ma dosanami songon panesanami di dosa ni dongan na mardosa tu hami! Unang hami togihon tu pangunjunan! Palua ma hami sian pangago!

H : Mangendehon: Ai Ho do nampuna harajaon dohot hagogoon

Ro di hasangapon saleleng ni lelengna Amen

U : Tangiang Pasupasu. 

H : Mangendehon: Amen Amen Amen