PARTURENA PARMINGGUON DI MINGGU VIII DUNG TRINITATIS, MINGGU, 10 AGUSTUS 2025

 

  

 

 

 

 

 

 

 

 

 

PARTURENA PARMINGGUON

DI MINGGU VIII DUNG TRINITATIS

 

 

 

& Ev:  Psalmen 33 : 12 - 22             & Ep: Heber 11 : 8 - 16

 

TOPIK:

SAI NOLNOL DO MATA NI JAHOWA

TU ANGKA NA MANGHABIARI IBANA

 

 

 

 

 

 

HURIA KRISTEN BATAK PROTESTAN (HKBP)

MINGGU, 10 AGUSTUS 2025

 

1. Marende BE. HKBP No. 112 : 1 - 3  “HALELUYA TAPUJI MA”  BL. 206

^♫♪♫  Haleluya  Tapuji ma Amanta Tuhan Debata dibaen denggan basaNa.

      Sai tong girgir ma hita be, pasangap Debatanta i dibaen asi rohaNa.

Sangap, sangap, hagogoon, hatoguon, hapistaran,

Di Amanta na di ginjang.

^♫♪♫ Haleluya  di Jesus i talehon hasangapon i, nang pe pujipujian.

Dilehon do mudarNa i, mamuri hita sasude parade hatigoran.

Denggan, denggan parsaoranta tu Tuhanta, badiaNa,  

Songgop do tu huriaNa.

                                  ------ Jongjong ------

^♫♪♫ Haleluya di Tondi i  na sangap, na badia i, tadok mauliate.

Aut unang saor Ibana tu rohanta na so dung togu, luhutna do mandate.

Tua, tua ma jambarta  bahenonNa salelengna,

Di adopan ni Debata.

   

2. Votum – Introitus – Tangiang: 

U : Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia na tumompa langit dohot tano on. Amen. Mangasahon Debata sai hamonangan do ulahononta. Ngot ma ho, ale parhinaloan! Tarsunggul ma ahu di buha siang ari. Pujionhu ma Ho di tongatonga ni angka bangso, ale Tuhan, endehononhu ma Ho di tongatonga ni angka marga. Haleluya!

H : Mangendehon  : ^♫♪♫Haleluya… Haleluya… Haleluya.

U : Martangiang ma hita! Ale Tuhan Debata, Amanami na di banua ginjang! Sai lehon ma tu hami roha na togu, na badia, pingkiran na denggan dohot roha na ringgas pasauthon ulaon na denggan. Sai lehon dame tu hami asa sonang hami mangolu di bagasan pangondingiM, sai marsigantung tu HataM ma hami maradophon saluhut musunami. Sai ramoti jala pargogoi ma hami marhitehite Tuhan Jesus Kristus Tuhannami. Amen.

                                                   (Hundul)

 

 

3. Marende BE. HKBP No. 657 : 1 - 2 “ULINA I HURIAMI” BL. 657

          ^♫♪♫ Uli na i huriaMi na pinapungupunguMi.

             Marpungu do sudena i mamuji Ho Tuhan na sangap i.

             Tangiang nang endena i na pasangaphon GoarMi.

             Sai topot ma huriaMi na pinapungupunguMi.

             Tumpahi ma huriaMi, tumpahi ma huriaMi.

 

        ^♫♪♫  Huria ni Tuhanta i, hinophop ni mudarNa i.

             Pahot tongtong pingkiranmi, maniop Tuhanmi parholong i.

             Sai unang olo talu ho, bahenon ni sibolis i.

             Sai pangidohon ma gogo tu Raja ni huria i.

             Tumpahi ma huriaMi, tumpahi ma huriaMi.

 

4. P a t i k :

U: Tangihon hamu (Tatangihon) ma Patik ni Debata, i ma 1 Samuel 12 : 24.  “Asal dihabiari hamu Jahowa, jala dioloi hamu Ibana di bagasan hasintongan sian nasa rohamuna; ai ida hamu ma godangna i naung binahenNa tu hamu.”

       I do sahatna. Antong, rap mangido gogo ma hita tu Tuhan Debata!

 

U+H: Ale Tuhan Debata sai pargogoi ma hami mangulahon na hombar tu PatikMi. Amen.

5. Marende BE. HKBP No. 677 : 1 + 4 “MANSAI LAMBOK”  BL. 677

          ^♫♪♫ Mansai lambok Tuhan Jesus manjou, manjou ho dohot au.

 Ida Ibana paima haroromu, mulak ma ho dohot au.

             Antong sai ro ma ho, angka na sorat sai ro ma ho.

       Mansai lambok Tuhan Jesus manjou, pardosa mulak ma ho.

                      ------  (Jongjong) ------

         ^♫♪♫ Dijangkon Jesus do angka parjahat, mulak ma ho dohot au.

Dosam sudena ias sesaonNa, muba ma ho dohot au.

Antong sai ro ma ho, angka na sorat sai ro ma ho.

Mansai lambok Tuhan Jesus manjou, pardosa mulak ma ho.

6. Manopoti Dosa: 

U : Tatopoti ma dosanta, martangiang ma hita! Ale Debatanami, na marasiroha jala na badia, Amanami, marhitehite Tuhan Jesus Kristus! Manang piga hali hami ro tu joloM, huhilala hami, ringkot do asi ni rohaM di saluhut hami halak pardosa. Ala ni i do umbahen na hupaserep hami dirinami sadari on di joloM, jala huparhatopot hami, tung na jotjot do hami manimbil sian angka dalanMu na badia songon birubiru na lilu. Sai unang pabali hami sian joloM ala ni dosanami i, ai ndang dihalomohon rohaM hamatean ni angka pardosa, alai hamubaon ni rohana do lomo ni rohaM, asa mangolu. Sesa ma saluhut hageduhonnami dohot pangalaosionnami marhitehite pangulunami na sasada i, AnakMu Tuhan Jesus Kristus. Sai pahot ma asi ni rohaM di hami marhitehite panindangion dohot hagogoon ni Tondi Parbadia asa tarapul situtu rohanami manjou Ho, asa pantun, tigor jala daulat hami marpangalaho, bahen hasangapon di GoarMu na badia i. Amen.

 

Bagabaga ni Debata taringot tu hasesaan ni dosa!

        Molo tung adong manang ise na mardosa, adong do pangondianta di Ama i, i ma Tuhan Jesus Kristus na tigor roha i. Jala Ibana do pardengganan taringot tu dosanta, alai ndada holan taringot tu dosanta, dohot do taringot tu dosa ni saluhut portibi on. Hasangapon ma di Debata na di ginjang.

U+H : Amen.         (Hundul)

7. Marende BE. HKBP No. 485 : 2 - 3   “DONGANI AU TUHAN”  BL. 243

          ^♫♪♫  Ho sipalua au, buri ma au tangkas.

              MudarMu na use mambahen au ias.

              Sai togu au na lilu tu asi ni rohaMu.

              Malua ma rohangku, sinesa nang dosangku.

              Gok dosa do hian au on, sai buri rohangkon.

 

^♫♪♫  Ho siapuli au, sai pargogoi ma au.

              Tarunjun au tongtong dibaen partibi on.

              Ajari au maniru Tuhanhu Sipangolu.

              Ringkot naeng botoonhu pasauthon pingkiranMu.

              Ho do na mangapuli au, sai pargogoi ma au.

 

8. E p i s t e l:

U : Tangihon hamu (Tatangihon) ma Hata ni Debata turpuk Epistel di Minggu VIII dung Trinitatis on, tarsurat  di Heber 11 : 8 – 16. Hinorhon ni haporseaon do mangoloi si Abraham dung dijou bungkas tu tano sijaloonna bahen teanteanan; saut do ibana bungkas, so adong diboto sitopotonna.

H : Hinorhon ni haporseaon do ibana hinomit di tano naung diparbagabaga tu ibana, songon di tano ni na leban; undungundung do diingani raphon si Isak dohot si Jakkob, donganna panean di bagabaga na sasada i.

U : Ai dipaimaima do huta na marojahan na hot, na pinandean jala na pinauli ni Debata.

H : Laos hinorhon ni haporseaon do dijangkon si Sara gogo manubuhon pomparan maralohon timbo ni umurna, ala haposan di rohana na marbagabagahonsa.

U : Dibahen i tubu do sian na sasada i naung mate dohonon na satorop ni bintang di langit, na sagodang ni rihit di topi laut, na so dapot bilangan.

H : Di bagasan haporseaon do mate nasida sude. Ndang sanga dijalo nasida bagabaga i; sian na dao nama ditatap jala dihalashon; na diparhatutu, panginsua jala paisolat nasida di tano on.

U : Marhitehite pandoknasida sisongon i ditariashon, panjalahi do nasida di parsambuloan.

H : Aut diingot rohanasida tano naung tinadingkonnasida i, sanga do nasida mulak tusi.

U : Alai na dumenggan do dihalungunhon nasida, i ma na di banua ginjang i. Dibahen i, ndang dihailahon Debata nasida; na olo do Ibana goaron Debatanasida, ai nunga dipauli di nasida sada huta.

        I do sahatna. Martua do angka na tumangihon Hata ni Debata jala na umpeopsa.

U+ H: Amen.

 

9. Marende BE. HKBP No. 228 : 2 - 3 “JESUS HAPOSANHU” BL. 246

          ^♫♪♫  Ho sambing Rajangku Ho do oloanhu.

        NaposoM do ahu di harajaonMu.

        Sonang ma rohangku dung tangkas di ahu.

        Ho sambing Rajangku jala oloanhu.

                    ------ Jongjong ------

         ^♫♪♫ Di harajaonMu  tigor do uhumMu.

       Ho ma huihuthon lao tu hangoluan.

       Naung torang tarida sonang do nasida.

       Di harajaonMu ala ni uhumMu.

 

 

10. Manghatindanghon Haporseaon:

U : Tahatindanghon ma haporseaonta i, songon na hinatindanghon ni donganta sahaporseaon di sandok portibi on. Rap ma hita mandok!

H : Ahu porsea di Debata Jahowa…. d.u         (Hundul)

11.  K O O R:

12. TINGTING:

13.  K O O R:

14. Papungu Pelean Huhut Marende BE. HKBP No. 468: 1--- “DI GANUP LUAT MIAN”    BL. 247                          (Pelean Ia & Ib)

^♫♪♫  Di ganup luat mian tinobusMi Tuhan.

Tarbege pamujion di holong ni rohaM.

Di rura partangisan marolopolop do.

Soara ni sisean naung monang dibaen Ho.

 

          ^♫♪♫  Ai ende na imbaru niendehonna i.

             Di Golgata i tubu, di hau parsilang i.

             Tinaon ni Tuhan Jesus dohot monangNa i.

             Taruli di partobus na hinophopNa i.

                        ------Musik-------

       ^♫♪♫  Di dia pe pajumpang parroha songon i.

            Sai tong do marsinondang pambaen ni Jesus i.

           Ai i do diendehon pangalahona i.

           Mura masitandaan dibaen dameNa i.

 

       ^♫♪♫ Andigan huendehon di surgo ende i?

           Andigan dohononmu au on dohot tusi?

           Papungu anakhonMu, parade rohangki.

           Tumopot adopanMu di hasangaponMi.

 

 

15. J a m i t a:  Psalmen 33 : 12 - 22

 

16. Papungu Pelean Huhut Marende BE. HKBP No. 128 : 1--- “DITANDA DEBATANTA”  BL. 162                                                                (Pelean II)       

^♫♪♫ Ditanda Debatanta na di Ibana i,

        Na metmet nang na balga di nasa bangso i.

        Ndang mago loasonNa nang sada sian i.

        Ditogu  do sudena tu hasonangan i,  

           Ditogu  do sudena tu hasonangan i.  

 

          ^♫♪♫ Ditanda do nasida, dibaen porsea do

       Nasida di hataNa naung tu nasida ro.

       I do hangoluanNa i do guruNa i,

       Laos i do sinjatana mangalo musu i,

          Laos i do sinjatana mangalo musu i.

                           ------Musik-------

         ^♫♪♫ Ditanda do nasida, dibaen mangkirim di

      Na pinarbagahonNa tongtong rohaNa i.

      Sai saut do bahenonNa sude HataNa i,

      I do sitiopanna ro di ajalna i,  

I do sitiopanna ro di ajalna i.

 

        ^♫♪♫ Ditanda do nasida, dibaen holong sude

     Rohana di Ibana nang di donganna pe.

     Ai i do na mandasdas nasida sai tongtong,

     Asa tung dipatolhas patikNa i  sintong,

           Asa tung dipatolhas patikNa i  sintong,                            

 ------Musik-------

      ^♫♪♫ Sai songon i ditanda Tuhanta jolma i,

    Na mangoloi HataNa di nasa bangso i.

    Haporseaon i do partinandaan i,

    Padohot pangkirimon nang haholongon i.

       Padohot pangkirimon nang haholongon i.

 

17. Tangiang Pangujungi: Pelean – Tangiang Ale Amanami - Tangiang Pasupasu:   (Jongjong )

U : Tatangianghon ma peleanta. Ale Debata, Amanami na di banua ginjang! Ho do haroroan ni saluhut silehonlehon na denggan dohot nasa ulibasa na mauliutus. Hupasahat hami ma sian na nilehonMi tu hami, peleannami tu Ho. Sai jalo ma i gabe uap na hushus di joloM. Pasupasu ma i jala ramoti asa huparhaseang hami pelean on, patimbulhon harajaonMu di tongatonga ni HuriaM dohot di portibi on. Buhai ma rohanami marhitehite TondiM, asa lam hutanda hami godang ni silehonlehonMi tu hami, asa lam girgir hami mandok mauliate tu Ho, marhitehite Jesus Kristus Tuhannami. Amen.

H : (Mangendehon)       

^♫♪♫  Nasa na nilehonMi, tondi ro di pamatanghu

                    Hosa dohot gogongki, ro di saluhut artangku

                    Hupasahat i tu Ho, na so unsatonhu do.

       

U : Ale Amanami na di banua ginjang! Sai pinarbadia ma GoarMu! Sai ro ma harajaonMu! Sai saut ma lomo ni rohaM di banua tonga on songon na di banua ginjang! Lehon ma tu hami sadari on hangoluan siapari! Sesa ma dosanami songon panesanami di dosa ni dongan na mardosa tu hami! Unang hami togihon tu pangunjunan! Palua ma hami sian pangago!

H : (Mangendehon)

^♫♪♫  Ai Ho do nampuna harajaon, dohot hagogoon

Ro di hasangapon, saleleng ni lelengna, Amen

 

U : Tangiang Pasupasu. 

 

H : (Mangendehon )

^♫♪♫Amen, Amen, Amen.