MINGGU IX DUNG TRINITATIS, MINGGU, 17 AGUSTUS 2025

 

 

 

 

 

 

 

 

PARTURENA PARMINGGUON

DI MINGGU IX DUNG TRINITATIS

 

 

& Ev: 1 Petrus 2 : 11 - 17        & Ep: Jeremia 34 : 12 - 16

 

     

TOPIK:

“MANGOLU SONGON NGOLU NI ANGKA NAUNG MALUA”

 

 

 

 

 

 

 

 

 

 

 

 

 

 

 

 

HURIA KRISTEN BATAK PROTESTAN (HKBP)

MINGGU, 17 AGUSTUS 2025

1. 
MARENDE BE. HKBP No. 31 : 1 – 3 “ARI NA MARHASONANGAN”  BL. 86           

^♫♪♫ Ari na marhasonangan i ma ari Minggu i.

Ari i paradianan ni na marulaon i.

Sai martua halak i na ringgas marminggu i.

^♫♪♫ Songon dia paheanhu maradophon Debata?

Unduk, serep ni rohangku i do abit na tama.

Dung adong na songon i, tau ma au di Tuhanhi.

……[Musik]……       [Jongjong]

^♫♪♫ Ale Tuhan sai pangolu, jala sai ajari au.

Molo ganggu sai patogu, marsak pe apuli au.

Tung patorang hataMi sai tongtong tu rohangki.

2. Votum – Introitus – Tangiang :

U : Marhitehite Goar ni Debata Ama dohot Goar ni AnakNa, Tuhan Jesus Kristus dohot Goar ni Tondi Parbadia, na tumompa langit dohot tano on. Amen. Ai na mangolu do Hata ni Debata jala margogo mangula, jala tumajom sian sandok podang sidua baba, jala manorusi do i rasirasa disirang hosa dohot tondi, angka ringring pe dohot utok, jala panguhum do i di parrohaon dohot di pingkiran ni roha. Haleluya!

H : (Mangendehon): Haleluya… Haleluya… Haleluya.

U : Martangiang ma hita! Ale Tuhan Debata, Pargogo na so hatudosan jala Parasiroha! Hupaserep hami rohanami di joloM jala hupangido hami tu Ho: Sai lehon asi ni rohaM manggohi rohanami, jala sondangi rohanami marhitehite TondiM, asa lam hutinggalhon hami nasa dosanami, jala hutangihon hami HataM na badia i. Sai paian ma HataM di bagasan rohanami, asa marparbue na denggan hami. Hupangido hami saluhutna i marhitehite Tuhan Jesus Kristus Tuhannami. Amen. 

[Hundul]

3. MARENDE BE. HKBP No. 478 : 1 + 3 “DOHOT SIHOL HUPAHERBANG” BL. 408                                        

^♫♪♫ Dohot sihol hupaherbang tu Ho Jesus tanganhi.

Lao mangelek Ho o Tuhan, ro ma Ho tu rohangki.

^♫♪♫ Ndang adong tarboan ahu tung rumar do tanganhi.

Tu bagasMu ro langkangku, gohi Jesus rohangki.

4. P a t i k :

U : Tangihon hamu (Tatangihon) ma Patik ni Debata, i ma sian Konfessi 1996 (Bindu 13).

TARINGOT TU PANGGOMGOMI

Tahaporseai jala tahatindanghon do:

Na ro sian Debata do Pamarenta na marsahala laho mangulahon hatigoran, mangondingi, mangaramoti, mangalo hajahaton jala manghobasi angka na ringkot di warga negara dohot ngolu ni jolma.

Jesus Kristus do ojahan ni huria na mangolu di portibi on, jala tahatindanghon do paboa Debata na mangalehon haluaon i, di bagasan Jesus Kristus.

Siingotonta do ingkon oloan do hita di Debata asa di jolma.

Marhite poda on:

Taondolhon do, Debata do na mangalehon kemerdekaan tu bangso Indonesia na berazaskan Pancasila dalam hidup bermasyarakat, berbangsa dohot bernegara.

Taondolhon do, Jesus Kristus, ulubalang ni Huria i songon parhiteanta mangido. Taondolhon do sintasinta dohot tanggung jawab ni ruas ni masyarakatta laho mangeahi hatigoran, holong ni roha, hadameon dohot kesejahteraan marhite pembangunan nasional songon pengamalan pancasila.

Taondolhon do parsidohot do hita pajongjonghon dohot mangaradoti hasintongan i, songon i nang marsaulihon pembangunan nasional. Sitangiang-honon ni huria do angka panggomgomi dohot parhobasna.

I do sahatna. Antong, rap mangido gogo ma hita tu Tuhan Debata!

   U+H: Ale Tuhan Debata! Sai pargogoi ma hami mangulahon na hombar tu PatikMi. Amen.

5. MARENDE BE. HKBP No. 682 : 1 - 2 “ALE TUHAN ASI ROHAM” BL. 682

^♫♪♫ Ale Tuhan, asi rohaM di hami.

Marpamuati ma rohaM Tuhan di dosanami.

Ale Tuhan, asi rohaM di hami.

Marpamuati ma rohaM Tuhan di dosanami.

Ale Tuhan, asi rohaM di hami.

Marpamuati ma rohaM Tuhan di dosanami.

Ale Tuhan, asi rohaM di hami.

Marpamuati ma rohaM Tuhan di dosanami.

…… [Jongjong]……

^♫♪♫  Ale Tuhan, sai pargogoi ma hami.

Mangaradoti lomo ni rohaM di ngolunami.

Ale Tuhan, sai pargogoi ma hami.

Mangaradoti lomo ni rohaM di ngolunami.

Ale Tuhan, sai pargogoi ma hami.

Mangaradoti lomo ni rohaM di ngolunami.

Ale Tuhan, sai pargogoi ma hami.

Mangaradoti lomo ni rohaM di ngolunami.

6. Manopoti Dosa:

U: Tatopoti ma dosanta, martangiang ma hita! 

Ale Tuhan Debata, Amanami, Pargogo na so hatudosan, Parasiroha mida hami na dangol on! Na ro do hami tu joloM manopoti dosanami na godang i. Di bagasan hajahaton do hami tubu jala ndang adong haporseaon di bagasan rohanami hian, saluhut do hami manimbil sian angka dalanMu. Mansai godang do pangalaosionnami di PatikMu. Alai ingot ma hami, ale Tuhan, ala ni denggan ni basaM dohot asi ni rohaM. Sai unang paingotingot angka dosa ni haposoonnami dohot pangalaosionnami; sai ingot ma hami hombar tu asi ni rohaM dohot denggan ni basaM ala ni GoarMu. Ale Tuhan Jesus, marpamuati ma rohaM di dosanami na godang i !  Amen.

Bagabaga ni Debata taringot tu hasesaan ni dosa!

Parasi roha jala pardengganbasa do Jahowa, lambat tarrimas jala Parasiroha godang. Ndang dibahen tu hita hombar tu angka dosanta, jala ndang dibaloshon tu hita hombar tu angka hajahatonta. Songon asi ni roha ni amaama mida angka anakna, asi ni roha ni Jahowa di angka na manghabiari Ibana. Hasangapon ma di Debata na di ginjang!

   U+H:  Amen.        [Hundul]

7. MARENDE BE. HKBP No. 475 : 3 , 6 “HO TONGTONG IHUTHONONHU” BL. 92

^♫♪♫ Naung ditaon Ho hamatean lao humophop tondingki.

Asa masuk au manean tohap na sumurung i.

Sai marguru au tu Ho, sai marguru au tu Ho.

Ho tongtong ihuthononhu, Jesus sipangolu au.

^♫♪♫ Dokhon ahu suruanMu ai hataM so magopo.

Dung i Ho huhut manogu, donganhi manopot Ho.

Taiti ma sude tu Ho, taiti ma sude tu Ho.

Sai asi rohaM sai togu, sahat ma sude tu Ho.

8. E p i s t e l:

U : Tangihon hamu (Tatangihon) ma Hata ni Debata turpuk Epistel di Minggu IX Dung Trinitatis on, tarsurat  di Jeremia 34 : 12 - 16. Ala ni ro muse ma hata ni Jahowa tu si Jeremia, ninna do:

H : “Songon on do hata ni Jahowa, Debata ni Israel: Nunga Ahu mambahen sada parpadanan tu ompumuna, uju ahu manogihon nasida ruar sian tano Misir, sian bagas pangadopan, songon on:

U : Ganup papitutaonhon, ingkon ganup hamu paluahon donganna marga Heber, naung manggadishon dirina tu ho; ingkon onom taon lelengna pangulahononna ho, dung i paluaonmu boti ibana sian lambungmu. Hape ndang ditangihon ompumuna Ahu jala ndang ditarehon pinggolna.

H : Alai nunga muba ianggo rohamuna sadari on, jala nunga dibahen hamu na sintong di rohangKu, naung ditingtinghon hamu haluaon ganup tu donganna, jala naung dibahen hamu parpadanan di jolongKu di bagasan bagas na targoar tu goarHu.

U : Alai nunga hosing muse rohamuna, gabe diramuni hamu goarHu, jala mulak diboan hamu ganup naposona baoa dohot naposona boruboru, angka naung pinaluamuna boti marguru tu rohanasida gabe marhata ingkon hamu tu nasida sumuang gabe naposomuna baoa dohot parompuan muse. I do sahatna. Martua do angka na tumangihon Hata ni Debata, jala na umpeopsa.

  U+ H: Amen.

9. MARENDE BE. HKBP No. 437 : 1 - 2 “TUNG NA MUBA ROHANGKU” BL. 390

^♫♪♫ Tung na muba rohangku dibaen Tuhanki, dung Jesus maringan di au.

Nunga sonang au on, tung dame rohangki, dung Jesus maringan di au.

Dung Jesus maringan di au, dung Jesus maringan di au.

Tung na sonang do au dung tu Jesus au lao, dung Jesus maringan di au.

…… [Jongjong] ……

^♫♪♫ Au na lilu hian dapot sambulonhi, dung Jesus maringan di au.

Nunga sae dosangki dibaen mudarNa i, dung Jesus maringan di au.

Dung Jesus maringan di au, dung Jesus maringan di au.

Tung na sonang do au dung tu Jesus au lao, dung Jesus maringan di au.

10. Manghatindanghon Haporseaon:

U : Tahatindanghon ma haporseaonta i, songon na hinatindanghon ni donganta sahaporseaon di sandok portibi on. Rap ma hita mandok :

H : Ahu porsea di Debata Jahowa…. d.u                     [Hundul]

11. KOOR      :

12. TINGTING :

13. KOOR      :

14. MARENDE BE. HKBP No. 453 : 1…“SADA GOAR NA UMULI”      BL. 304            (Papungu Pelean Ia & Ib)

^♫♪♫ Sada goar na umuli sian nasa goar i.

Goar ni Tuhanta Jesus, i do na umuli i.

GoarMi Tuhanhi, holan i do endengki.

GoarMi Jesushi do pamalum rohangki.

^♫♪♫ Tung na malum do rohangku nunga sonang tondingki.

GoarMi do sinjatangku dompak angka musu i.

 

GoarMi Tuhanhi, holan i do endengki.

GoarMi Jesushi do pamalum rohangki.

...... [Musik] ......

^♫♪♫ Sipalua do goarMu saut malua tondingki.

Nasa rante ni sibolis ingkon sega baenon nii.

GoarMi Tuhanhi, holan i do endengki.

GoarMi Jesushi do pamalum rohangki.

^♫♪♫ Sai endehon ma goarNa burju hatindanghon i.

Paima sahat hita sogot lao sumomba Tuhan i.

GoarMi Tuhanhi, holan i do endengki.

GoarMi Jesushi do pamalum rohangki.

15. J a m i t a: 1 Petrus 2 : 11 - 17

16. MARENDE BE. HKBP No. 435 : 1…“MAROLOPOLOP TONDINGKI” BL. 294           (Papungu Pelean II)

^♫♪♫ Marolopolop tondingki, ai naung ditobus Jesus i.

Hamu sude bege ma i, sai las rohangku mandok i.

Sonang ni tingki i, dung jumpang Jesus Tuhanki.

TondiNa mangajari au. Tarbaen marlas ni roha au.

Sonang ni tingki i, dung jumpang Jesus Tuhanki.

^♫♪♫ Dihaol holongNa rohangki, tung na so boi be mago i.

MataNa do manatap au, pinggolNa tumangihon au.

Sonang ni tingki i, dung jumpang Jesus Tuhanki.

TondiNa mangajari au. Tarbaen marlas ni roha au.

Sonang ni tingki i, dung jumpang Jesus Tuhanki.

...... [Musik] ......

^♫♪♫ Tu Jesus sahat ngolungki saleleng ni lelengna i.

Rap dohot au endehon ma endengku na imbaru da.

Sonang ni tingki i, dung jumpang Jesus Tuhanki.

TondiNa mangajari au. Tarbaen marlas ni roha au.

Sonang ni tingki i, dung jumpang Jesus Tuhanki.

^♫♪♫ O rohangki sai tahan ma, sitobus Ho ihuthon ma.

I ma tutu, nang mate ho, tu surgo do ditogu ho.

Sonang ni tingki i, dung jumpang Jesus Tuhanki.

TondiNa mangajari au. Tarbaen marlas ni roha au.

Sonang ni tingki i, dung jumpang Jesus Tuhanki.       [Jongjong]

17. TANGIANG PANGUJUNGI: Tangiang Pelean – Tangiang Ale Amanami - Tangiang Pasupasu.

U : Tatangianghon ma peleanta. Ale Debata, Amanami na di banua ginjang, Ho do haroroan ni saluhut silehonlehon na denggan dohot nasa ulibasa na mauliutus. Hupasahat hami ma sian na nilehonMi tu hami, peleannami tu Ho. Sai jalo ma i gabe uap na hushus di joloM. Pasupasu ma i jala ramoti asa huparhaseang hami pelean on, patimbulhon harajaonMu di tongatonga ni HuriaM dohot di portibi on. Buhai ma rohanami marhitehite TondiM, asa lam hutanda hami godang ni silehonlehonMi tu hami, asa lam girgir hami mandok mauliate tu Ho, marhitehite Jesus Kristus Tuhannami. Amen.

H : Mangendehon: Nasa na nilehonMi, tondi ro di pamatanghu

                    Hosa dohot gogongki, ro di saluhut artangku

                    Hupasahat i tu Ho, na so unsatonhu do.

U : Ale Amanami na di banua ginjang! Sai pinarbadia ma GoarMu! Sai ro ma harajaonMu! Sai saut ma lomo ni rohaM di banua tonga on songon na di banua ginjang! Lehon ma tu hami sadari on hangoluan siapari! Sesa ma dosanami songon panesanami di dosa ni dongan na mardosa tu hami! Unang hami togihon tu pangunjunan! Palua ma hami sian pangago!

H : Mangendehon: Ai Ho do nampuna harajaon, dohot hagogoon

Ro di hasangapon, saleleng ni lelengna, Amen

U : Tangiang Pasupasu. 

H : Mangendehon: Amen, Amen, Amen.